Diahuebs anochi famianan y amigonan a bati alarma pa dos piscador cu no a yega tera. Nan a sali mainta y a keda di drenta banda di 3or pa 4or. Solo a baha y nada di e boto Juliette cu e dos piscadornan. Un di e piscadornan tin 69 aña. Ta piscadornan cu nan boto mara na Rancho Clemente.
Diahuebs anochi a saca helicopter di Kustwacht pa asina yuda den e buskeda. Famianan tabata pendiente na Rancho Clemente pendiente pa bon noticia hunto cu e demas piscadornan. E lama ta basta plat pasobra biento a cay.
Asina mes piscadornan ta bisa cu coriente ta basta fuerte den lama. Sa pasa tambe cu piscadornan sa keda mas largo ora cu pisca ta come y tambe ora cu lama ta bon. Den e caso aki esnan na tera ta preocupa pasobra e oranan a pasa y nan no a yega.
Update: E piscadornan a yega bek Rancho Clemente algo pasa di 9or di anochi, nan a dicidi di keda riba lama un poco largo cu normal y no tabatin manera di comunica esaki bek na esnan cu tabata warda pa nan riba tera.
