Fo’i un seri di proyekto nobo planiá pa kuminsá, Sektor di Desaroyo Sosial di Ministerio di
Desaroyo Sosial, Labor i Bienestar (SOAW) a lansa un proyekto dediká na hóbennan ku ke kuminsá nan propio negoshi òf ku ya a kuminsá ku esaki kaba. Partisipashon di hóben
Hóbennan ku ta partisipá na e proyekto aki ta entre 18 – 30 aña di edat.
Preselekshon a tuma lugá kaba for di e registro di hóben desempleá na SOAW. Fundashon Negoshi Pikiña ta enkargá ku traspaso di konosementu i abilidat nesesario pa realisá e ophetivonan stipulá.
Youth Business Start-Up Pilot E proyekto aki titulá “Youth Business Start-Up Pilot”, un proyekto piloto ku lo dura en prinsipio 3 luna i lo kontinuá ku un fase avansá na 2018. Den e periodo aki hóbennan lo risibí un kurso básiko di hasi negoshi (entrepreneurship). Lo enfoká tambe riba e parti di kon duna bon servisio na kliente, pa di e forma ei nan por amplia nan sírkulo di kliente. Di e proyekto aki ta spera ku lo baha e kantidat di desempleo bou di hubentut i haña mas hóben den nos poblashon ku a risibí e empuhe i formashon pa opta pa lanta nan mes empresa. Pa esnan ku ainda ta duda, e ministerio aki ke logra ku e tipo di inisiativanan asínaki ta inspirá otro hóben ku ta buskando trabou pa sigui e mesun rumbo.
