Kuenta I Tambu (KiT) a crea e genero musical aki yama Tambutronic – un explosion
salvahe y colorido di musica Afro Caribense energetico.
E ta realmente un reto pa pone riba papel e tipo di musica cu ta papiando di dje pesey sin mucho mas introduccion nos ta referi boso na e link pa boso mes experencia esaki pa boso mes: https://kuentaitambu.com/
Kuenta I Tambu ta e idea original di Roel Calister, un musico naci y lanta na Corsou.
El a studia “International Business” na Hulanda y hopi lihe despues di ricibi su
Masters, el a uni su mes na Conservatorio Real pa bay tras di su pasion cu ta
Percusion. Na 2005, el a cuminsa cu su mesun scol di drum (drumdrumdrum.nl) y pa
2009 el a cuminsa cu e banda yama Kuenta I Tambu, miho conoci como KIT.
Tambutronic ta un genero musical nobo crea door di Roel, y cual ta un fusion di e
Tambu ritmico di Corsou, uzando instrumentonan local manera cajon, chapi cu
drum- y conganan, cu zonidonan tecno.
E banda relativamente nobo aki Kuenta I Tambu ya caba a actua na diferente
festival internacional y localidadnan manera The Caribbean Sea Jazz na Aruba,
Glastonbury (UK), WOMAD (UK), Lowlands (NL), SXSW (US), Bestival (UK), The
Great Escape (UK), Eurosonic/Noorderslag (NL), Amsterdam Dance Event (NL),
NYC’s Lincoln Center (US), Kennedy Center na Washington (US), Pitch Festival
(NL), Best Kept Secret Festival (NL), Body & Soul Festival (IR), Europavox (FR),
Pole Pole (BE), Pohoda Festival (SK), Electrochoc Festial (FR), Levitt Pavillion (US)
E banda ta consisti di seis (6) musico di Corsou, Aruba y Hulanda, haciendo e banda
uno multicultural cu hunto ta crea e presentacion hopi unico, energetico y hopi
interactivo cu ta pone e hendenan riba pia asina cu e banda cuminsa toca.
Cu amor, orguyo y gratitud Kuenta I Tambu ta actua na Corsou y Aruba, ya cu nan
ta un di e embahadornan musical di nos islanan. Kuenta I Tambu, lo ta actuando na
Aruba dia 15 di december, 2017, Kuenta i Tambu hunto cu artistanan local Ataniro y
Zyon lo presenta un concierto unico y cu hopi ambiente patronisa pa Presidente
Hennessy, Hpnotiq y Paradera Gas Station
