Kuater (4) detenshon i konfiskashon di un arma di kandela

Djamars 7 di novèmber 2017 entre 11.00 or pa 14.00 or di mainta personal di Kuerpo Polisial Kòrsou huntu ku Curmil (Curacaose Militie) i Duana a tene kontròl(nan) dirigí riba posishon ilegal di arma di kandela i otro delitonan. Esaki ta den kuadro di trabounan di ‘Task Force Vuurwapen”. A organisa dos punto di kontròl respektivamente; Kaminda Laurentius M. Mathilda i Kaya Ma Pieternella.
Durante e kontròl(nan) aki:
 Riba Kaminda Laurentius M. Mathilda alrededor di 11.45 or, polis a para un outo, e shofùr (no tabatin reibeweis) a opstruí i insultá e outoridatnan polisial dor di papia palabranan insolente durante e ehekushon di nan trabou. En konekshon ku esaki polis a detené e hòmber sospechoso:
1. Q.J.F. di 22 aña di edat;
 Riba Kaya Ma Pieternella alrededor di 13.05 or, a detené tres (3) hòmber sospechoso en konekshon ku posishon ilegal di arma di kandela. Na momento ku outoridatnan a para e vehíkulo pa kontròl, tabatin den dje e tres hombernan ariba menshoná i un menor di edat.
Den e vehíkulo a haña un revòlver kaliber 38 Smith & Wesson, tambe tres bala skèrpi. Polis a konfiská tantu e revòlver, e balanan komo e vehíkulo pa mas investigashon. E menor di edat a keda entregá na su mama. E hòmbernan ku a keda detene ta:
2. N.J.C. di 44 aña di edat;
3. D.A.I.T. di 28 aña di edat i
4. A.F.Z. di 54 aña di edat.
Tur kuater sospechoso ta nasé na Kòrsou.
A presentá e sospechosonan dilanti di un Fiskal Ouksiliar ku a ordená nan enkarselashon pa mas investigashon.
E akshonnan aki ta kontinuá.