Mientrastantu e hendenan sa kiko e elemento Spinergy for the Roses ta kome i bebe durante e aktividatnan di fundashon Ride for the Roses atrobe riba djadumingu dia 21 di yanüari na e tarima prinsipal di Maduro Ocean Beach Club na e playa di Mambo/BLVD.

E aña aki pa promé biaha ta agregá kranking na esei. Esaki ta un hometrainer kaminda e partisipante ta bira e pedalnan ku su mannan. Pa años kaba spinning ta forma parti di e aktividatnan pa rekoudá fondo pa e lucha kontra kanser na Kòrsou. Den tim nan ta hasi ehersisio riba baiskel ku ta para ketu, esta sintá òf pará, loke ta rekerí un bon kondishon físiko. Den hopi kaso ta hasi e ehersisionan riba rítmo di músika. E aña aki kranking a bini aserka. Esei ta un ehersisio nèt kontrali, den e sentido ku e partisipante por sinta òf keda riba pia, miéntras ku e ta move e pedalnan rònt ku su mannan. Esaki ta un tremendo entrenamentu pa kurason i e ta reforsá e torso, spesialmente e múskulonan den brasa.

E aparato aki a mustra su utilidat ademas pa esnan ku sea pa motibu di un hèndikèp òf leshon (temporalmente) no por usa nan pianan, manera riba e hometrainer òf e aparato pa kana. Tin tambe riba e krankingcylce un boton pa fiha e grado di resistensia, di moda ku por ahustá esei pa partisipantenan na diferente nivel. E aña aki e baiskel di kranking aki ta brinda un posibilidat úniko pa esnan ku hèndikèp òf esnan ménos válido òf otronan ku temporalmente un kondishon ménos optimal pa tòg partisipá na Spinergy for the Roses i asina tambe yuda rekoudá fondo pa e bon kousa. Sentronan lokal di fitness den algun kaso ya a buska e aparato aki pa nan mes.

Comments

comments