Ta investigando caso di hobennan cu a maltrata un adicto ambulante

Tin un video cu ta bayendo rond di un maltrato serio caminda cu dos hoben studiante,  menor di edad a bati un adicto ambulante den un scol bandona.

Cuerpo Policial a manda un comunicado diaranson mainta, dunando di conoce cu nan ta na altura di e video cu a cuminsa na circula diamars y e departamento di JZP tin e caso aki caba y ta trahando conhuntamente cu Ministerio Publico, cu ta esun cu ta guia e investigacion, segun Liliana Rasmijn, vocero policial.

Polis ta na altura di e caso, ta na altura ken e personanan aki ta, pero mester laga e investigacion cana su caminda. Segun Rasmijn, famia di e persona agredi aparentemente mester a bin warda tambe. Sinembargo mucho informacion no tin mas.

Kico por sosode den un caso asina

Ta trata aki di un caso hopi serio. Ta papiando di muchanan menor di edad. Eynan ta bay tin un combersacion hopi fuerte cu nan y tambe pa e mayornan. Tin biaha ta culpa e mayornan, pero no sa si e mayornan mes ta na altura kico tur ta pasando. “Tin cu laga e caso aki cana, no culpa ningun hende. Tin cu wak con pa yuda e muchanan aki, conscientisa nan y mustrando nan cu loke a pasa of loke por ta a pensa cu ta pret, ta algo sumamente serio.”

Polis no ta na altura riba ki dia e suceso aki a tuma luga.

Di otro banda 24ora.com por a compronde cu e hobennan a acudi na scol diaranson normal y no sa ainda ki paso ta bay tuma ya cu ta spera riba kico autoridadnan lo bay haci.

https://facebook.com/24ora/videos/817052232024758