Durante di sr Cleopa su bishita di trabou na Panama dia 13 i 14 yüni último formando
parti di e komishon di Seguridat Cuidadana, Combate y Prevencion al Narcotrafico,
Terrorismo y Crimen a interkambiá i diskutí riba diferente aspekto entre otro rondó di
Krímen Organisá.

Manera nos sa krímen organisá ta avansando dia pa dia i ta tresiendo konsekuensianan negativo pa hopi pais. Na 2018 na Argentina (Buenos Aires), tambe a pone hopi énfasis riba e tópiko aki di kual sr Cleopa tambe tabata presente.

E komishon mustrando su preokupashon pa henter e asuntu aki ku ta avansando a trese proposishonnan konkreto dilanti pa trata na kombatí krímen organisá mas tantu posibel. Un di puntonan ku mas a bin dilanti ta e echo ku krímen organisá, prinsipalmente den e mundu di narkotrafikante a kombertí den un problema serio sosial pa nos region ku ta tacha derechi humano, demokrasia, desaroyo ekonómiko, sosial i kultural. Basa riba esakinan a yega na konklushon pa sa e posibilidatnan pa krea un Korte Penal Latinoamérika i Karibe komo meta pa yuda frena krímen organisá mas tantu posibel.

Kada miembro ku ta forma parti di e komishon aki mester trese e idea aki serka nan gobièrnu i parlamento ku e proposishon pa studia e posibilidat aki. Den e último reunion di Parlatino di dia 13 i 14 yüni último e tópiko aki bolbe bini dilanti. Esaki ta mustra e importansia ku e tópiko aki tin mirando tur e impaktonan negativo ku e ta trese pa paisnan den region. Sr Cleopa formando parti di e komishon aki representando pais Kòrsou lo bai aserka Minister di Hustisia ku e petishon pa aserka Korte i tambe Ministerio Públiko pa formalmente haña kontribushon di e dos entidatnan aki pa sa kiko ta nan pensamentu pa ku e proposishon aki. Tur esaki teniendo kuenta ku nos ta forma parti di Reino. Den e komishon tin entre otro Parlamentarionan di Aruba sr Dowers ku tabata eks Minister di Hustisia i sr Oslin Sevinger ex Minister di Infrastructura, Desaroyo Espacial y Integracion i Parlamentrionan di Sint Maarten sr Egbert Doran i sr Christopher Emmanuel.

Comments

comments