Den un nota special na tur 600 empleado di Cuerpo Policial Aruba, tanto Polis como personal administrativo, e Hefe nobo di e cuerpo a gradici tur cu a felicit’e pa su nombracion den e funcion di Waarnemend Korpschef.

Alto Comisario interino Andrew Hoo, dirigiendo su mes na Prensa despues di su nombracion.

“Mi t’ey pa sirbi boso tur. Tempo mi tabata District Chef na Noord, mi tabatin e responsabilidad di ta den e Board di Aruba Hospitality & Security Foundation. E tempo ey hunto cu Korps leiding mi a percura pa material yega na un y tur. Den futuro cercano mi ta bay sigui cu e mesun beleid aki. Tur departamento lo hayanan debido atencion”, asina Andrew Hoo a skirbi.

Diferente auto di Polis marca Toyota modelo RAV4 como obsekio di Aruba Hospitality & Security Foundation.

“Un bes mas, danki na tur y mi ta spera di haya e sosten di tur. Hunto nos ta bay pa dilanti”, asina e Alto Comisario interino a duna di conoce.

Reunion di AH&SF cu ATA, AHATA y Minister Otmar Oduber, e tempo ey como Minister di Turismo (AVP)

Andrew Hoo awo lo dirigi e Korps Management Team (KMT) cu ta forma pa Comisarionan Vanessa Tjon, Trudy Hassell, Irma Gordon y e Hefe suplente di e Division “Bedrijfsvoering”, esta Errol Zebeda. Andrew Hoo a drenta Cuerpo Policial na aña 2001 y a bandona Polis na Augustus 2017 den e funcion di Inspector primera clase y ta regresa awo den e puesto maximo.

Comments

comments