Kontrol general den trafiko na Korsou

Djasabra 7 di sèptèmber 2019, personal di e Tim di Mantenshon di Òrdu Públiko konhuntamente ku personal di VKC, a tene kontrolnan general. E kontrolnan aki a tuma lugá entre 00.33’or pa 03.25’or, na varios sitio riba Kòrsou.

A kontrolá un total di 50 persona, 12 vehíkulo, 5 motersaikel i un total di 6 persona a keda verbalisá pa infrakshonnan kometé. Durante e kontrol polis a konfiská un sigaria di mariwana i kran a transportá un vehíkulo i tres motersaikel pa tereno di polis. E kontrolnan aki ta kontinuá.