Djabièrnè 24 di mei 2019, Polis konhuntamente ku K.Mar, Duana, Ministerio Públiko i Brantwer a tene kontròlnan di tráfiko i uso di alkohòl den tráfiko. E kontròlnan aki a tuma lugá entre 19.30 or pa 22.00 or riba Kaminda Venacio F. Isenia i entre 23.30 or pa 01.00 or riba Sta Rosaweg. A kontrolá un total di 126 vehíkulo i a partí un total di 55 prosèsverbal pa e siguiente infrakshonnan:
Manehá un vehíkulo sin:
➢ reibeweis bálido; ➢ ku e impuesto di vehíkulo ta pagá ➢ seguro bálido; ➢ karchi di kùr bálido; ➢ lus di dim; ➢ lus di brek;
Manehá un vehíkulo:
➢ ku glas skur.
Durante di e kontròlnan kran a transportá 7 vehíkulo. Dos shofùr mester a pasa test di alkohòl serka personal di K.Mar i un estranhero ku no tabatin su dokumentunan na òrdu mester mèldu na Departamentu di Imigrashon. Ministerio Públiko a topa ku un total di 30 persona ku tabatin but atrasá, di kual 13 persona a drenta areglo di pago i a kobra un total di Nafl. 638,-.
