Riba fecha 12 di desèmber 2016 minister di Tráfiko anterior, señora Suzy Camelia Römer a saka un remitido ku tópiko: "UNOPS i NEW URBAN AGENDA ta kla pa asistí Kòrsou", den kua ta indiká ku na yanüari 2017 lo a bai sigui ku e trayekto pa fiha e direkshon pa Kòrsou pa loke ta trata e.o.
Zonifikashon, Urbanisahon, Bibienda, Maneho di Awa, Kalidat di Konstrukshon di obra públiko, Kongestion den tráfiko i determinashon i Maneho di preis di produkto. Basá riba e remetido aki i basá ku ya pa basta tempu kaba mi ta
keda aserká pa habitantenan di e parti pariba di nos isla ku e prekupashon ku pa años kaba nan komo outomobilistanan hasiendo uso di Caracasbaaiweg ta konfrontá ku kongestion di
tráfiko tur mainta i atardi, i ku ta ainda no a bini ku un solushon duradero pa e problemátika aki, mi ta aserká minister ku e karta di rapelashon aki. Mi ta di opinion ku si duna e problemátika aki e atenshon nesesario i bini ku un plan pa atendé ku e problemátika, nos mester por yega na un solushon duradero. Mester hasi algu awor si pa aliviá e situashon aki riba Caracasbaaiweg i otro kareteranan na Kòrsou.Kontestanan riba preguntanan pendiente: Athuntu karta di 19 di desèmber 2016.
