Kolaborashon duradero entre Aruba i Kòrsou pa Enseñansa

Durante su mishon na Aruba Minister di e.o. Enseñansa di Kòrsou sra. Marilyn Alcalá-Wallé a reuní ku su homologo sr. Armando Rudy Lampe riba diferente tema di interes komun den presensia i sosten di nan kolaboradornan. E Ministernan a elaborá riba eo UNESCO i Enseñansa en konekshon ku realisashon di e diferente trabounan ku tin ku tuma lugá den kuadro di e Metanan Sostenibel di Desaroyo.

Un di e retonan ta trata Seguridat na skolnan huntu ekipashon-(tools) di nos kuerpo di skol pa nan ta mas resistente i fuerte den e ambiente insular i e influensha mundial den nos skolnan. Otro tópiko ku a trata ta “Talenonderwijs”/ Enseñansa den diferente idioma komo materia den skolnan sekundario. Trayektonan pa garantisá ku nos hobennan ta haña oportunidat pa hasi nan estudio. Retonan kresiente di indokumentadonan i alabes puntonan di atenshon di esnan ku ta legal na e dos paisnan.

Un otro aspekto importante ku a elaborá riba djé, ta e maneho di Siensia i nos invershon den siensia komo vehikulo pa ganamentu di konosementu sosteniendo e mundu globalisando ku ta konstantemente den evolushon. Un otro tema ku a trata durante e reunion, ta e falta di akseso di e paisnan den Karibe (Aruba i Kòrsou sigur) na e biblioteka digital di e Biblioteka di Reino (The Royal Library of the Netherlands/ de Koninklijke Bibliotheek of KB in Den Haag- 1798) ku tin komo mishon pa duna akseso na konosementu di kultura di pasado i presente dor di proveé servisio di kalidat haltu i superior pa realisá investigashon, estudio i alabes e eksperensia kultural.

Finalmente e dos koleganan a deliberá un ratu riba e preparashon pa e siguiente “Drielandenoverleg ku ta tuma lugá djabièrnè dia 7 yüni 2019 di forma viral (videoconference).