Kobe Bryant a muri den accidente di helicopter

E basketbolista Kobe Bryant a fayece den un accidente cu helicopter ma Calabasas, California, awe mainta. Asina e media TMZ a raporta un rato pasa. Nan a menciona cu Bryant tabata biahando cu por lo menos tres otro pasahero mas den un helicopter priva ora el a cay na 40 miya (65km) noordwest for di Los Angeles. 

Mester menciona cu Polis di Los Angeles a informa via Twitter cu 5 persona a muri den un accidente di helicopter na Calabasas y cu ningun pasahero of tripulante a sobrebibi e desgracia aki.

Kobe Bean Bryant, ta naci dia 23 di August 1978 y ta un hungado profesional di basketball na Merca. El a hunga henter su carera di 20 aña largo pa Los Angeles Lakers di e “National Basketball Association (NBA)”. 

Kobe Bryant a drenta NBA mesora despues di a caba Highschool y a logra gana no menos di 5 campeonato durante e 20 añanan cu e tabata activo den basketball.