“Constructivo”, asina e Secretario di Estado di Asuntonan Interior y di Relacionnan den Reino Hulandes, esta Raymonds Knops, a describi e reunion cu el a tene cu Prome Minister mr. Evelyn Wever-Croes di Aruba. E mandatario a menciona den un “tweet” cu a reuni riba e situacion na Aruba, relaciona cu desaroyonan na Venezuela, riba finansa publico sostenibel den di Reino. “Prome Minister tambe a bishita awe su colega Mark Rutte den Het Torentje”, asina e Secretario di Estado di Hulanda a sigui bisa. Por conclui di su mensahe via red social cu e reunion como tal tabata fructifero y den un bon ambiente.
