Knops a pidi Tweede Kamer pakete di ayudo pa Caribe Hulandes

870
Raymond Willem Knops , sinds 26 oktober 2017 staatssecretaris van Binnenlandse Zaken en Koninkrijksrelaties.

Relaciona cu e coronavirus, Minister di Relacionnan Interior y Asuntonan di Reino Raymond Knops su ministerio a saca un comunicado den cual e ta informa cu tin pakete di emergencia cu Hulanda kier manda pa Caribe Hulandes.

E informe ta bisa cu mescos cu na e parti Hulandes na Europa, den e partinan Caribense di Reino Hulandes tin preocupacionnan grandi pa e efectonan di coronavirus. Na Aruba,Corsou, Sint Maarten, Boneiro, Sint Eustatius y Saba tin un realidad mas grandi nobo cu ta paralisacion di comercio.

Pa e partinan Caribense di Reino ta conta tambe, cu paralisacion di trafico aereo y turismo crucero, ta trece consecuencianan economico enorme. E consecuencianan pa comunidadnan chikito, cu ta depende hopi di turismo, ta hopi grandi.

Boneiro, Saba y Sint Eustatius ta forma parti integral di Hulanda, pa cual tin un responsabilidad directo pa nan. Gabinete awe a dicidi cu pa e trahado- y empresanan na Boneiro, Sint Eustatius y Saba, debi na coronavirus, lo tuma medidanan economico excepcional.

E carta di e pakete di emergencia pa trahadonan na Caribe Hulandes ta comparabel cu e carta cu e Gabinete a manda recientemente, dia 17 di maart, pa Tweede Kamer relaciona cu e parti Hulandes Europeo.  Contenido di e carta ta mescos y e medidanan – cu adaptacion na e situacion specifico di Caribe Hulandes – ta similar.

Awe a manda e pakete den nomber di Ministernan di Asuntonan Interno y Relacionnan di Reino, Asuntonan Economico y di Clima, Finanzqa y secretarionan di estado di Asuntonan Social y Labor, Asuntonan Economico y Clima, y Finanza pa Tweede Kamer.

Minister Raymond Knops ta bisa Gabinete: “ Como Gabinete nos ta sinti nos mes hopi envolvi den e situacion di e islanan. E efectonan di coronavirus na Boneiro, Sint Eustatius y Saba ta grandi. Door di e limitacionnan pa trafico di biahe e sector turistico, di cual e islanan ta depende grandemente di dje, ta practicamente plat. Esaki tin efectonan grandi pa entrada di negoshinan y cuponan di trabou. Cu e pakete aki e trahado- y companianan den Caribe Hulandes ta haya e apoyo extra necesario.”

Denter di autonomia di e paisnan Aruba, Corsou y Sint Maarten, e responsabilidad ta diferente cu esnan di Caribe Hulandes. Nan tambe ta wordo confronta cu e consecuencianan di coronavirus: medicamente, socialmente, economicamente y financieramente. E contactonan cu y entre e paisnan ta intensivo, pa nos por yuda otro unda cu ta necesario.  Den e situacion excepcional di e periodo aki, ta evaluando si a base di e posibilidadnan cu Statuut di Reino ta ofrece y a base di provisionnan excepcional di ley y regulacionnan,  con e paisnan aki lo por enfrente e crisis lo miho posibel.”

Te ey e carta di Knops pa Tweede Kamer

Comments

comments