Dialuna anochi den careda di 8or a sosode un accidente hopi serio na Sero Biento. Polis y ambulance a bay cu urgencia. A drenta informacion cu un klapchi hopi potente a rementa den man di un mucha. Ora cu Polis a yega a haya e ambulance caba para y paramediconan yudando e hoben herida.
Buscando informacion a resulta cu e hoben di 15 aña ora cu a bay tira un klapchi Kaboom, algo a bay robes. Esaki a rementa di tal forma cu el a causa hopi daño na e wijs vinger, midden vinger, y ring vinger di e man drechi. A papia na prome instante di perde dedenan. Pero esey no por a wordo confirma. Si por a wordo confirma cu e hoben di 15 aña mester a bay urgente Hospital, pa asina dokter atende cu e situacion serio cu e tres dedenan afecta pa e clapchi Kaboom. Famia tabata den un shock cu e incidente net prome cu tiro na Sero Biento.
