Kiwanis Young Professionals ta cla pa su “Night of Glamour: A Cuban Affair” otro siman

Otro siman Kiwanis Young Profesional Aruba, ta bay tin su fundraising event. Carl Quandt di KYPA, a splica cu un biaha mas nan ta bin cu un evento cu e publico tabata spera p’e.

E aña aki nan ta memey di caya grandi, riba e exparkinglot di La Linda, dilanti Pastechi House, unda cu ta bay transforma e luga den un “Night of Glamour: A Cuban Affair”. Tur hende por spera un plaza transforma. Pa un anochi bo ta bay Cuba.

KYPA: Fundraising Event A Night of Glamour Cuban Affair

Posted by 24ora on Tuesday, April 23, 2019

Durante e anochi ta bay entretene tur esnan presente cu Tsunami y Robert Jeand’or y su Solo Banda Show. Ta bay tin entretenimento di DJ Caleto durante anochi. Mas cu esaki, tur loke recauda e anochi aki ta bay bek den comunidad di Aruba.

Entrada ta bay ta 175 florin. Ta bay tin un openbar, danki na Tropical Bottling, y tambe snacks durante e anochi aki.

E evento di e magnitud aki no ta posibel sin e apoyo cu ta haya di comerciantenan. E evento aki porcierto ta di 7 biaha cu KYPA ta organisando y sigur un partner clave cu nan tin esaki ta Elite Productions, cual tur aña ta brinda nan sosten di e forma mas miho cu por spera.

Segun Quandt, cu esaki miembronan ta super gradicido y un biaha mas ta proyectonan cu ta duna bek na comunidad den diferente manera. Proyectonan cu KYPA ta conoci p’e, cual ta Christmas in a Box, unda cu ta entrega basket na famia y muchanan cu ta den necesidad.

Tambe nan tin Big Brother, Big Sister. Tambe tin Placa Chikito cu ta enfoca riba educacion y importancia di aspecto financiero. Esta spaar, duna bek na comunidad. Aña pasa a haci’e por medio di un buki, cual e aña aki ta trece un biaha mas.

Banda di esaki ta bay tin den e aña cu ta sigui Art in a Bathroom. Ta bay tin tambe un campeonato di futbol den tur bario di Aruba. Pueblo por spera cu loke recauda ta bay bek den comunidad, door di e diferente proyectonan cu KYPA ta organisa.

Na entrada di e parkinglot, ta bay tin un booth completamente transforma, unda cu por saca potret pa tin un recuerdo di e anochi. Tambe ta bay tin aspectonan iconico, manera cigar bar, e rumbar. Tambe ta bay tin e autonan clasico, cual ta un aspecto di Cuba. Loke ta bin acerca, ta bay ta un sorpresa pa tur hende. Tur esnan cu bin na e evento aki, ta spera sigur un plaza transforma.

Elite Productions

Elite Productions ta encarga pa transforma e plaza aki completamente. Manera semper, nan tambe ta sostene e evento di KYPA pa di 7 aña y algun proyecto mas. Logicamente, nan ta haciendo lo maximo pa transforma e parkinglot completamente den audiovisual, hunto cu e compania di decor.

Manera semper tur hende sa cu Elite ta purba di cambia cosnan y bin cu cosnan cu por ta bo no a mira ainda. Wak pa bo tey, pasobra ta bay tin sorpresa sigur.

Ta spera cu Elite semper ta innova pa loke ta audiovisual. E biaha aki ta purba di trece Fidel, pero no a keda cla ainda. Pero ta un posibilidad.

E anochi aki sigur lo bay ta uno magico, mirando e cantidad di efectonan di luz y zonido durante e anochi aki.

Abo ta invita

Carl Quandt a splica por ultimo pa esnan cu no tin carchi ainda, por haya cerca e miembronan di KYPA. Si bo no tin contacto cu nan, subi riba nan pagina di Facebook Kiwanis Youngh Professional Aruba, asina nan por tuma contacto cubo, pa asina abo tambe forma parti di e evento magno aki.


Comments

comments