Kiwanis Key Club Colegio San Nicolas a organisa “Pink Carnival” pa concientisa riba cancer na pecho

Kiwanis Key Club Colegio San Nicolas, ta un Service Leadership Program di Kiwanis Club of Aruba y ta un “non-profit organization” unda muchanan di diferente edad ta siña: “leadership skills”, “character building” y inclusion di tur hende pa yuda e comunidad di Aruba.

Como club, a dicidi pa enfoca riba “Breast Cancer Awarness” e luna aki unda a bin cu e idea pa un “Pink Carnival”. Esaki ta pa consientisa e comunidad riba cancer di pecho. E evento a consisti di weganan manera; bowling, tira blaas cu awa na juffrouw y meneernan di scol cu a pone nan mes como boluntario pa para, ringtoss y mucho mas.

Kiwanis Key Club Colegio San Nicolas a organisa "Pink Carnival" pa concientisa riba cancer na pecho

Kiwanis Key Club Colegio San Nicolas a organisa "Pink Carnival" pa concientisa riba cancer na pecho. Click link pa mas https://24ora.tv/2VZvp8m

Posted by 24ora on Monday, October 21, 2019

Tambe tabata tin bendemento di cuminda manera snackbox, bolo di glas, cookies y hopi mas.
E evento a inclui tur studiante di scol y tambe nos a corda riba wega pa e studiantenan cu limitacion visual. A termina e evento cu un water “balloon fight” grandi pa tur e muchanan. Como club Kiwanis Key Club Colegio SN, ta contento cu e proyecto aki y kier sigui haci mas proyecto pa comunidad den futuro pasobra ta wak esaki como un manera pa siña e muchanan e importancia di yuda nos comunidad di Aruba y mundo. Un danki na sponsornan Nagico, Aztec, Caribbean Cinemas, Caribbean Mercantile Bank y Gillian Decor.