Colegio San Antonio su jump-up a “take over” Sta. Cruz 

Carnaval a drenta su ultimo siman di celebracion y nos hobennan carnavalsco no por a keda afo. Kiwanis Builders Club Colegio San Antonio a “take over” Sta Cruz cu un electrificante Jump-up cu a cende henter e Bario cu color, musica y ambiente.

Presidente di e club, Joshua Muyden contento, satisfecho y gradecido cu tur esnan cu a haci di e anochi aki uno sumamente exitoso. Parada a sali for di Veld di Winston y a bay te cu Weng Kee Supermarket.

Colegio San Antonio su jump-up a “take over” Sta. Cruz 

Colegio San Antonio su jump-up a “take over” Sta. Cruz. Click link pa mas https://24ora.news/38SPMcQ

Posted by 24ora on Wednesday, February 19, 2020

No tabata tin ni un duda cu e hobennan lo a pone drama maximo, den estilo Boom Bam, pasobra animacion a keda den man di e mas gusta actualmente entre nan, cu ta Youth Extreme. Tur participante a ricibi un glow stick, un glow pen, un T-shirt y ticket pa refresco y a subi ruta pa gosa. Pabien na organisadornan pa un tremendo actividad.