Minister Maduro a ricibi un bishita di cortesia di Presidente di Kiwanis Club of San Nicolas, Alvin Molina. El a duna e mandatario un kalender di ‘Unsung heroes’ cu ta dedica na tur frontliners.
E kalender tin un balor di 25 florin y nan ta bend’e cu e meta pa reacuada fondo pa e club di servicio. Asina aki nan por sigui brinda yudansa na e comunidad den San Nicolaas, specialmente na e hobennan. Minister Maduro ta gradici Alvin Molina y henter Kiwanis Club of San Nicolas p’e bunita iniciativa pa honra e heroenan den comunidad y haci nan visibel henter aña via e calendario special aki.
