Kiwanis Club of Palm Beach a reconoce e “Terrific Kids of the Year”

Kiwanis Club of Palm Beach conhuntamente cu St. Dominicus College y St. Franciscus College, recientemente a anuncia e “Terrif Kids of the Year” na e scolnan aki.

E reconocemento aki ta e culminacion di e programa social yama “Terric Kids”cu Kiwanis Club of Palm Beach ta sostene na e schoolnan mencion. Terrific Kids ta un programa di reconocemento escolar cu ta promove desaroyo di balornan manera caracter personal, autoestima y perserverancia.

E palabra “TERRIFIC” ta un abrevacion na Ingles cu ta consisti di e prome letternan di “Thoughtful, Enthusiastic, Respectful, Responsible, Inclusive, Friendly, Inquisitive and Capable”. Studiante nan den e programa ta traha cu nan maestro pa establece metanan pa mehora comportacion, contacto cu otro, presencia y/of trabao escolar. Terrific Kids ta un programa di Kiwanis International. Na Aruba, Kiwanis Club of palm Beach ta patrosina e programa na e dos scolnan menciona y esaki ta ensera sosten di diseño di e programa, sosten financiero, guia y supervision.

Durante e aña escolar tin diferente reconocemento intermediario y na final di e programa, na luna di juni, ta reconoce e “Terrif Kids of the Year”. E alumnonan aki mester logra por lo menos 7 di e 8 letternan di e palabra “TERRIFIC” durante e aña. E celebracion ta ensera anuncio di e ganadornan, otorgamento di e reconocemneto y sacamento di potret. Despues tin un celebracion grandi cu cuminda y bebida caminda ta participa e alumnonan cu a participa, e maestronan y miembro di Kiwanis Palm Beach. Na e occacion aki e ganadornan ta ricibi nan certificado especial di “Terrific Kid of the Year”.

Durante aña escolar 2018-2019 a participa un total di 260 mucha na St. Dominicus College y 225 na St. Franciscus College. Riba e portrenan adhuntu por mira e cabesantenan di e schoolnan, respectivamente Sra. Caroline Cardose (St. Dominicus College) y Sra. Nadine Kirindongo (St. Franciscus College), huntu cu e alunonan y miembronan di Kiwanis Club of Palm Beach.

Un gran pabien di parti di Kiwanis Club of Palm Beach ta bai na tur mucha cu a participa, e staf maestro cu a contribui y especialmente e 41 muchanan cu a obtene e certificado di “Terrific Kids of the Year” 2018-2019.