Kiwanis Club of Aruba ta contento di informa cu e preparacionnan ta cla pa e di 10 torneo anual di golf, cual lo tuma lugar diadomingo dia 24 di maart riba e cancha di golf di The Links at The Divi Aruba.
E torneo di golf aki ta di 18 “holes” den team di 4 persona cu e formato scramble. E interes ta hopi grandi cu 2 siman prome cu e fecha, e torneo ta “SOLD OUT”. E torneo lo ta parti den 2 grupo; e prome grupo ta cuminsa pa 8’or di mainta y e di dos grupo lo cuminsa 12’or y mey di merdia. Como atraccion special tin un premio pa hole-in-one cu ta un 2019 Ford Edge SEL. Lo tin premio pa e siguiente categorianan: “Best Gross”, “Best Net”, Closest to the pin” y “Longest Drive”.
Kiwanis Club of Aruba cu hopi orguyo ta anuncia cu e fondonan recauda cu e actividad aki ta destina na “Stichting Trampolin pa Trabou. E donacion aki ta bin directamente for di e fondonan recauda di e torneo di golf y lo wordo uza pa e fundacionnan sigui eherce nan tremendo trabou na bienestar di nos comunidad di Aruba en general.
Kiwanis Club of Aruba kier a gradici tur e sponsernan y golfistanan pa haci posibel un otro exitoso torneo. Y alabes kier a desea tur e golfistanan hopi exito.
Kiwanis ta un organisacion global di boluntario dedica na mehora mundo via un mucha y via di un comunidad cada biaha y tin como lema: sirbiendo e muchanan di mundo. Kiwanis Club of Aruba ta activo den e comunidad Arubano desde 1965. Pa mas informacion di Kiwanis Club of Aruba y of su actividadnan por acudi na www.kiwansclubofaruba.org of Facebook page Kiwanis Club of Aruba.
