Abogado a conseha e huurdo di Kiosco cu no tin motibo pa DIP declara e contrato di e kiosco na Welcome Plaza uno invalido. Esaki mester bay hues y ta hues so por tuma un decision.
Ta varios huurdo ta pasando den esaki. No ta algo cu ta awor recien a pidi e permiso. Personal di DIP sa cu legalmente e hendenan aki a haya nan documentonan, nan a paga nan huur, nan a firma un contract, nan ta pagando. Y awo ta haya nan den un situacion manera esaki.
Un otro huurdo cu a haya carta y a hiba su caso na abogado. E lo bay haya un carta unda cu lo mustra personal di DIP cu nan tin derecho pa tin e kiosco. For di 2002 nan a sacanan for di e kiosconan cu tabata tin, nan a yega di gana varios caso y e tey bek. E biaha aki tin contracto di cinco aña y e ta keda riba dje. Ningun hende no por bin yega saca hende zomaar. Esey no por, e huurdo a bisa. Tur cos a wordo paga, huur, deposito. Tambe coriente ta wordo paga. Den e contracto ta para cu tin cu paga huur tur luna etc. Diahuebs nan a pasa parti carta pa diabierna ruim op prome cu 3’or. Cerca dje, no lo ta e caso segun e kioskero. E ta enfatisa cu nan ta mara na un contracto di cinco aña. E huurdo ta sigui splica cu mas tanto e carta ta bin di DIP, pero firma pa minister. Un prome carta ta di advertencia y e ultimo cu nan a ricibi diahuebs, cu esnan cu a haya kiosco, mester entrega yabi 3’or. Esey no ta bay ta e caso. Awor aki ta wardando carta di abogado, pa asina bisa cu nan tin derecho pa keda pasobra nan ta mara na un contracto. E kiosco ta su pan di cada dia y pesey ta para duro riba dje.
E mesun problema a bin bek for di 2002. Semper ta priminti hende cierto cosnan. Kiosconan ta wordo traha pa e artesanonan. E mes ta un artesano. E mesun carta eynan a bin bek despues di 15 aña. Esey ta imposibel, segun e huurdo.
E prome carta tabata firma pa e minister di infrastructura, Otmar Oduber. Awo nan a bin atrobe pa notifica cu diabierna pa 3’or, yabi mester wordo entrega. Nan a pasa kiosco pa kiosco. Awo tin cu wak kico lo pasa a banda di 3’or si nan a bolbe y exigi pa haya e yabi di e kiosconan. E huurdonan no a resisti, nan ta preocupa si. 
Nan ta canando nan camindanan legal y pa 3’or a keda di mira con e situacion a termina den e area di Welcome Plaza. Ta hendenan cu a haya un contract. Nan a paga huur. Awo diripente nan a haya nan den un situacion manera esaki. Abogadonan a notifica e huurdonan, pa no entrega yabi na e hendenan di DIP y lo sigui nan caminda legal pa asina keda cumpli cu e contracto cu nan a firma cu DIP.
