Kico e Inglesnan kier realmente cu Brexit?

Ana Gabriel cu Fun Miles
Hyundai Creta
RBC Mortgage Switch Campaign 2019

House of Common Britanico no kier sali for di Union Europeo cu un acuerdo, pero tampoco sin dje. E debate di London tabata hopi cla den e ultimo dianan. Awe nochi, e parlamentarionan Britanico, finalmente, lo bisa kico nan kier: Probablemente pospone e Brexit planea (dia 29 di Maart) Pero pakico y pa cuanto tempo? Tin tres scenario.

Banner Rav 4
Bende Bo Cas
MotorWorld JAc
Ta Huur Apartamento
PPG Mildew
Colonel’s Catch Special
Red Fish Lunch Special Feb 2019

Scenario cortico: dos luna

Restraso limita pasobra un di tres voto “significativo” (otro siman) pasobra e House of Common tin cu duna su aprobacion ainda riba e acuerdo Brexit cu Union Europeo a rechasa dos biaha. Loke ta importa ta si e asesor legal di e Prome Minister, Geoffrey Cos, ta dunando su consehonan skerpi riba e acuerdo: For di “esaki no ta tur cos pero tempoco nada, te cu bale la pena.” Si e House of Common ta dal un buelta, May tin mester di tempo adicional pa implementa e legislacion necesario, algo cu e lidernan di e gobierno Europeo lo duna cu gusto. E fecha limite ta dia 23 di Mei, inicio di e eleccionnan Europeo, pa e Britaniconan no mester di participa.

London tambe por solicita un retraso cortico pa prepara un salida sin un acuerdo. Prome Minister Hulandes, Rutte y su coleganan di Union Europeo no ta dispuesto pa cumpli cu e peticion aki. Aña pasa, Union Europeo a prepara diferente plan di emergencia pa un Brexit dificil, loke e Britaniconan por a haci. Di un otro banda, ningun di e lidernan ta sperando un caos economico y e miseria door di un Brexit duro na bispo di e eleccionnan Europeo.

Largo: diesdos luna

E House of Common ta colapsa debi na e batayanan politico interno riba bida y morto: entre e conservativonan; entre socialistanan; Tories contra Labour; Tories contra e gobierno; Labour contra e gobierno; Minister contra Minister; tur hende contra May – y e unico salida ta eleccionnan nobo y/of un di dos referendum pa Brexit. Garantia riba claridad na final di e caminda no tin. Un peticion pa suspende no lo limita esaki na algun siman of luna, sino mas bien un “extension di e extension” cu ta politicamente y economicamente desastroso. London ta pidi cu den caso di un extension di e Brexit, ta pa un minimo di un aña.

Presidente di Union Europeo, Tusk, a pidi e lidernan di Union Europeo awe mainta pa nan ta “habri” pa un peticion Britanico pa un retraso largo. E pregunta ta si nan kier pa un otro discusion riba e Bretix, tambe durante e campaña electoral Europeo. Si aproba dicho extension (ta rekeri unanimidad di e lidernan), e ta bay ta mara na condicionnan estricto. Por ehempel, Reino Uni mester participa den e eleccionnan Europeo; Brussels tin miedo di un otro modo un huicio contra e Britaniconan furioso pro-Europeo, cu ta mira nan mes viola di nan derechonan electoral. Ademas, e Comision Europeo kier evita cu London tin un voz den temanan adicional crucial den e aña adicional: e eleccion di un Presidente nobo di e Comision, e Presidente nobo di Union Europeo y e negociacionnan riba e proximo presupuesto plurianual di Union Europeo (2021-2027). Na principio di e siman aki, Brussels a anuncia cu cualkier retraso “ta garantisa e bon funcionamento di e institucionnan di Union Europeo.” E diplomaticonan ta premira problemanan legal cu condicionnan demasiado estricto pasobra Union Europeo no tin miembronan-B cu conoce menos derecho.

Sin retraso

Probalemente esaki no lo ta, pero den teoria House of Common por retira e peticion di bandona Union Europeo den caso di un caos politico insuperabel. Corte di Husticia Europeo a dicta recientemente cu London tin e derecho pa haci’e di un manera unilateral. Den e caso aki, Reino Uni ta sigui ta miembro di Union Europeo y no ta rekeri ningun uitstel.

Comments

comments

Island Finance – Home improvement
UA Open House 2019