Kibramento den auto ta garantisa bo un pasashi pa ward’i polis

E no ta e prome y probablemente tampoco e ultimo. Diaranson atardi a sali ordo di detencion pa dos persona, Lando Flanegin y Albert Solognier. Ambos ta pa kiebro y ladronicia.

Polis a detene Lando Flanegin caba mas trempan, no mucho rato despues a topa y detene Albert Solognier. Ta sospecha Solognier di a kibra den varios auto den cercania di Cas di Cultura y Linear Park. Ta sospech’e di a kibra den por lo menos dies pa diescinco auto. Ta horta articulonan di balor y bende nan na prijs di baca flaco. E mesun team di polis cu a detene Lando Flanigin, a detene Solognier. A top’e den Pindastraat ta core un auto marca Nissan modelo March color oraño. A confisca e auto tambe pendiente investigacion.

Mas detencion pa kiebro di auto

Posted by 24ora on Wednesday, April 13, 2022