Tin varios hende ta preocupa cu e asunto di tips. Aparentemente cu gobierno kier cuminsa cobra impuesto rib’esaki. Segun relacionista publico di Aruba Food & Beverage Association, Fernando Dirksen, nan ta sigui e desaroyo aki di cerca, aunke ainda no tin nada confirma rib’esaki. A sinta na mesa cu e diferente gremionan y tin esaki na bista.
Un asunto asina sigur lo tin un influencia grandi rib’e asociacion. Segun Dirksen, a sinta cu nan miembronan kico lo t’e miho manera si introduci esaki. Tin hopi cos papia rond, pero no tin nada confirma.
Dirksen ta sigui splica cu esaki ta algo cu lo por tin hopi influencia rib’e miembronan den e industria di F&B. Ta p’esey mes ta sigui e di cerca pa mira kico t’e decisionnan pa tuma y mira kico por haci cu esaki y con e lo influencia.
Aworaki ta cobrando impuesto riba Service Charge, pero si cobra impuesto riba tip, esaki por ta desastroso sigur p’e industria. Mester sa con e lo bay bin. Tin hende cu ta cobra tip cash, tin restaurant cu ta tuma esaki y despues partie. Tur esaki mester informa ainda con ta bay cobr’e, pasobra si ta pag’e cash inmediatamente n’e trahado, no por bisa con nan ta bay controla esaki. Ta pregunta cu ainda e asociacion tin ainda. Keto bay falta informacion rib’e echo aki.
