Diadomingo dia 18 di maart 2018 Kerki Protestant di Playa ta tene su feria anual di benta di soppie y cake. En conexion cu e actividad aki ta pidi atencion pa lo siguiente.
E aña aki Kerki Protestant di Playa ta pone enfoce riba ‘duna bek na nos comunidad’, na ‘trabounan diaconal’, y ‘atrae personanan den nos comunidad pa bishita kerki’ ya cu nos ta yama tur esnan cu ta desea di forma parti di e famia protestant, bon bini serca nos. Alaves nos ta enfoca riba haci algun trabou di mantencion na nos edificio cual a keda falta pa wordo haci aña pasa. Aña pasa nos enfoce primordial tabata pa restaura e Kerki 1846 esta e ‘kleine kerk’ cual tabatin mester di ‘groot onderhoud’ urgente.
Fundraising ta importante pa nos logra nos metanan. E comision encarga cu e organisacion di e feria ta tuma contacto desde otro siman cu diferente compania na Aruba relaciona cu sponsor. Peticion pa sponsor ta tuma lugar pa medio di un carta, personal y/of telefonicamente. Alaves ta busca personanan cu ta willing pa haci donacion na nos evento den forma di servicio pa traha soppie of cake.
Tur esnan cu ta desea di conoce nos mas di serca ta cordialmente invita pa sirbishi na nos Kerki Protestant di Playa tur diadomingo mainta di 10:30 pa 11:30 (cu excepcion di diadomingo dia 11 di februari 2018). Despues di e sirbishi tin koffie, té, juice y buscuchi den nos koffiekamer caminda tur esnan cu tey, ta refresca durante combersacion ameno.
