Pa semper e criatura lo keda trauma pa loke el a presencia. E tata Kenny Dirksz a choca y mata Natasha Kock, e mama di su yiu. E criatura tabata testigo con e tata a choca y mata su mama. E recherchenan ta investigando e caso y si ta bon e sospechoso ta na KIA caba. E asesinato a tuma luga den Tobelstraat riba 23 di April.
E relacion amoroso di e pareha a caba masha tempo, pero e homber no kier acepta. El a bin na e cas mainta, drenta y bay te paden unda el a choca su victima. Tabata ora cu ambulance a yega, cu nan a pidi pa Dokter y Polis.
For di prome instante a sinti cu algo no tabata bon. E no tabata mustra un morto natural y pesey investigacion tabata necesario. Mesun rato a saca afo tambe cu tabata trata aki di un crimen. A cuminsa busca Kenny Dirksz como e sospechoso y a detene despues. El a admiti y bisa cu ta un asunto di jaloezie.
