Ken ta sigurá kontinuashon di kalidat di kuido den sehos

Den henter e proseso di konstrukshon di HNO i pasonan ku tin ku tuma pa ku transishon pa di
SEHOS pa HNO e palabra “kuido” ta keda atras. Pa loke at trata HNO úniko kos ku nos ta tende ta Berenschot, SONA, USONA ,MRT i un kompania eksplotashon etc.

Pero den ningun kaminda mi ta tende ku tin hendenan (nos hendenan) ku ta atendé ku e transishon pa lo ta trata e kuido di pashèntnan di SEHOS pa ku HNO. No por focus riba HNO sin mantené e focus riba kuido ku tin aktualmente na SEHOS ya ku esaki mester kana paralelo pa por garantisá kontinuashon di e kuido di e pueblo di Kòrsou. E palabra pashènt i kuida mester kore komo un liña kora den e transishon aki.Na e momentonan aki nos ta tuma nota ku SEHOS konstantemente tin problema ku MRI i CT scan pasombra no tin e fondonan nesesario pa mantené esakinan òf kumpra unu nobo pasombra e focus ta riba HNO,esaki ta trese kuné ku kuido no por ta optimal , ku tur konsekuensia pa e pashènt i fondonan di gobièrnu pasombra mester manda e pashèntnan aki afó pa hasi e tèstnan aki.

Esaki ta pa motibu ku SEHOS no ta dispone di e fondonan nesesario pa por kumpli ku esaki, mirando ku e presupuesto ku a stipulá di 120 mion pa SEHOS kompra ku 170 mion ku Horacio Oduber Hospital ta dispone pa mesun tipo i grandura di hospital. Importante ta pa pasa e konosementu i eksperensia di kuido di SEHOS pa HNO.Mirando r gran kantidat di profeshonalnan ku traves di aña a laborá den SEHOS, for di e personal di kuido, tékniko, atministrativo i spesialistanan. Relashona ku esaki Parlamentario pa frakshon di MAN sr Giselle Mc William a hasi e sigiente pregunta nan na Minister di Salubridat Públiko, Medio Ambiente i Naturalesa  Sra. S. F. C. Camelia-Römer 1.Den henter e transishon pa HNO ta tene kuenta pa garantisá e kuido di pashèntnan na SEHOS? 2.Den e diferente órganonan ku a krea pa ku transishon di SEHOS pa HNO tin profeshonalnan lokal ku konosé nos kuido? 3.Ta envolví spesialistanan i trahadónan den transishon aki pa loke trata e futuro di kuido den HNO?