Riba 5 y 6 di november ultimo a tuma un evento grandi di Go-Kart na Corsou. Aki ta caminda cu Curaçao International Karting Club hunto cu yudansa di varios Arubiano a logra organisa un evento di nivel riba e parkeerplaats na Waaigat. Por consider’e di nivel halto mirando cu hasta Knaf Nationale Autosport Federatie (KNAF) tabata presente n’e actividad. KNAF t’un organisacion reconoci di Reino, nan presencia tabata mas bien pa mira e desaroyo di karting na Corsou.
E organisacion na Corsou ta haciendo un tremendo trabou pa locual ta karting y sin tin un pista manera Aruba. Den aña 2022 a organisa tres evento di karting caba y pa 2023 ta premira cu lo organisa seis, cual un di nan lo ta uno internacional. Cu yudansa di algun Arubiano manera Gregory Tromp y Michel Paesch di Paesch Racing Team, kende ta personahe nan carga cu experencia den karting, ta guiando e organisacion na Corsou pa lanta e mundo di karting.
Cos ta bayendo asina bon cu e organisacion ta bezig cu Gobierno di Corsou pa ricibi tereno pa construi un pista di karting. Ya a ricibi dos opcion caba, pa cual ta deliberando cua t’esun miho pa den 2023 cuminsa cu e proceso di construccion. Durante e fin di siman di evento, Minister Charles Cooper tambe tabata presenta pa mustra su sosten n’e organisacion.
E evento a conta cu mas di 80 auto a cual varios coredo di Aruba tambe a participa. Christian y Christopher Arends di Killer Racing Team di Aruba t’esunnan cu hasta a gana careda y ricibi trofeo. E coredonan di Hulanda manera Dani y Nelson di St. Maarten ta coredo cu a haci un tremendo papel.
Pa lesa mas subi TREMPAN.
