Diahuebs atardi pa mas of menos 6or y 15 central di polis a wordo notifica di un caso di kapmento na Flamboyanstraat na San Nicolas.
Patruya a yega na e sitio y por a compronde cu e victima a wordo transporta pa IMSAN den auto particular.
Homber ta kap y mata otro cu machete den Flamboyanstraat
Posted by 24ora on Thursday, May 30, 2019
Recherche a presenta na e sitio pa asina haci nan investigacion y polis tecnico tambe. Slachtofferhulp tambe a presenta pa atende cu e famianan. E kapnan na curpa di e victima tabata hopi serio. A perde hopi sanger. E no a logra sobrevivi.
Pa 6or y 32 Dr Vrolijk a constata morto di e homber Marlon S. naci na Jamaica y di 24 aña.
E sospechoso a entrega su mes un rato despues na warda di San Nicolas. E mes a bisa unda el a benta e machete den un garetia para den cura di cas.
Palabra di condolencia na famianan di e fayecido.
