Kampvuur grandi di resto di Kertsboom na Pos Chikito

Mas o menos 8 aña pasa, habitante di Pos Chikito # 30 a start un idea cu na caminda a bira un tradicion den bario. E ta pidi bisiñanan pa pone Kerstboom hunto riba otro y cende na candela estilo di un “kampvuur”. Esey a sosode awe diasabra anochi tambe, den cual a cende no menos di 140 mata na candela. Claro cu por a mira vlamnan for di leu caba, compaña pa e holor di pino.

E habitantenan a conta cu pa nan e ta simbolisa tambe final di un bunita temporada, esta fin di aña. Di otro banda e ta un oportunidad pa e bario topa otro atrobe pa den un ambiente di bisiña organisa e kampvuur.

Mayoria a duna nan compromiso cu otro aña atrobe lo participa den e kampvuur aki, cu e idea pa atrae mas bisiña pa trece nan kerstboom, cu entretanto a bira bruin caba, pa pone riba e cero cu despues nan ta kima.

Comments

comments