Un rato pasa alrededor di 12:10pm polis mester a atende cu problema di adicto ambulante den Playa. Esaki a pasa den Zuidstraat, net patras di warda di polis bieu. Ey ta caminda cu a topa cu e conocido Kabouter mal golpia.
El a conta cu un tal “Mafia” a golpie un rato prome band’i hotel central y a bolbe topa cu ne patras di warda, ey el a haya sota di bat atrobe. Segun Kabouter, e problema a cuminsa pasobra el a drumi cu pareha di Mafia algun luna pasa. Cos a bay asina leu cu un glas di un Nissan Sentra para den Zuidstraat a keda destrui.
E pareha di Mafia ta biba den Zuidstraat, polis a topa cu e bat den e cura di cas. A consfisc’e y a pidi Kabouter pa pasa warda pa entrega keho. Kabouter tur na sanger a confirma na e defensornan di ley cu e lo pasa warda mas laat.
