Polis a keda yama den Caya Franse Bloem na Jaburibari, Noord. Un persona den un auto ta causando desordo manera hende loco den e area. Polis a yega na sitio y topa cu e conocido “ Kabouter” y su amigonan den un Toyota Tercel ta trip na grandi.
Mesora polis a atende cu nan, pidi documentacion y purba decifra kico tabata pasando. Durante control a tuma nota di e number di auto A70920 cu no ta cuadra y cual ta pertenece na un compania.
sospecho a lanta mes ora mirando cu e famoso Kabouter no lo ta persona cu lo por afford un auto mucho menos uno di compania. Naturalmente no por djis asumi esaki p’esey a pasa na pidi documentacion di e vehiculo en cuestion.
Na momento cu no por a mustra ningun documento di e vehiculo, no a keda polis nada otro cu confisca e vehiculo pa haci investigacion mas profundo si e por a bin di cualkier joyriding y/o ladronicia.
