Arubaanse Zwembond (AZB) tin e placer di informa cu Sr. Junny Oleana recientemente a participa na un curso di FINA na Korsow pa Water Polo Referee.
Aunke voluntario nan di AZB cu kier sigui crece como oficial mester cubri nan gasto nan nan mes, Sr. Oleana a viaha a Korsow recientemente riba propio gasto pa completa e curso aki, pasa su examen na final di curso y pa awor ta un FINA Water Polo Referee.
AZB sa cu e situación aki no ta uno favorable, pero mirando cu e subsidio no ta yega pa cubri gasto pa e oficial nan sigui algún curso den exterior, AZB ta sumamente contento cu Sr. Oleana a viaja pa Korsow riba su propio gasto pa sigui e curso di FINA Referee di Water Polo. Cu e papel aki, Sr. Oleana por yuda desarrolla e disciplina di Water Polo den futuro, na Aruba. Pa bo por desaroya un deporte bo mester tin oficial, AZB ta comprende esaki y ta spera cu den futuro nos por yuda nos voluntarionan pa attende mas clinic y competencia. Pa por brinda e oportunidad aki na e oficial nan di AZB, AZB ta aplicando pa mas FINA clinic wordo organisa na Aruba.
FINA clinic
Recientemente AZB a ricibi e noticia for di FINA cu e aña aki, Aruba por organisa 3 clinic. AZB lo tuma e oportunidad aki pa organisa un clinic pa Certifcacion pa entrenador di landamento. Esaki ta un programma nobo di FINA cu tin e meta pa yuda tur entrenador di landamento na mundo yega na ta certifica. FINA ta trahando pa tur entrenador cu ta participa den Campeonatonan Mundial i Weganan Olimpico ta certifica pa asina por haña e reconisimento pa nan trabouw i logronan. Aruba ta 1 di e 5 pais nan den ful e continente Americano cu a hanja e oportunidad aki den 2019. E curso lo ta parcialmente online y ta wordo conclui cu un parti practica después. AZB tambe a hanja un clinic pa entrenador pa Open Water y un clinic pa entrenador di Water Polo. Pa e deporta aquatico nan aki por sigui crese AZB ta kere den educa mas persona den e dos ramonan aki. Detayes tocante cada clinic lo wordo anuncia despues.
Water Polo
Aña pasa AZB a cuminsa cu e desarollo di e disciplina di Open Water y a instala un comisión técnico di Open Water. E comisión aki ta encarga di planea competencia y desarolla e disciplina aki. Nan prome competencia pa 2019 a tuma lugar e weekend cu a pasa y tabata uno exitoso, cu 91 particiapante y 4 qualificacion pa CARIFTA 2019. Mirando cu tin un team activo den e disciplina di Water Polo, esta Aruba Dolphins, AZB kier instala un comisión técnico pa e disciplina di Water Polo tambe. AZB ta spera di por uni cu e grupo di leadernan pa asina Water polo por crece y pa Aruba cuminsa participa den competencianan den región di Caribe y centro America. Aña pasa, Rowin Bisslik a particpa den e Congresso di FINA pa Water Polo na unda e reglanan nobo cu a wordo aproba, a wordo discuti. E reglanan nobo tin como meta pa hasi e wegnana di wáter polo mas interesante pa e publico.
