Diaranson anochi tabata un di e jump-upnan di mas spera di e temporada. Centro di Bario y Deporte Dakota conhuntamente cu tur nan miembronan a sali all out pa promove nan actividad di carnaval cu tabata uno masha spera den Bario di Dakota.
Bisiña, amigo, famia y publico en gereal a sali y duna sosten na e gran jump-up di Dakota. A inicia for Centro di Bario Dakota y drenta diferente cayanan conoci di e Bario pa finalisa bek na Centro di Bario.
A pidi e publico pa bin bisti na geel pa asina pone un poco di uniformidad y realse na e color reconoci pa e Bario, Team y Centro di Bario di Dakota.
Como bandanan invita tabata tin NBO y Youth Xtreme cu porcierto ta e revolucion di e aña aki cu e cancion cu nan a adapta di un artista internacional cu ta causando furor den cada parada y unda cu nan presenta, cu ta e Boom Bam. E Bario di Dakota a sali tur cu tin. Pabien grandi na tur cu a haci nan maximo esfuerso pa organisa y coordina e evento aki. Por ta sigur cu Dakota si ta pone ambiente. Dakota Tur dia !!
