Diaranson mainta tabata e site visit exclusivo pa e miembronan di prensa unda nan por a cera conoci cu e “check in hall” nobo pa salidanan di Merca.
Nos coleganan di 24ora, Kevvin Valderrama y Theodor de Jong tabata presente pa asina haci un entrevista cu Julian Chung kende ta e projects executive a cargo. Chung a splica cu e tecnologia mas grandi ta e “Baggage handling system” nobo cu a wordo implementa. Apart di esey el a splica cu introduci tres nivel di screening cu tecnologia moderno, automatisa y avansa. Di e manera ki ta elimina e proceso dobel di screening cu tabata uza antes.
Tambe lo haci “radiation check” den cada un di e maletanan unda cu si pa algun motibo of otro un maleta ta positivo pa radiacion esaki lo wordo detecta door di e sistema y lo ta manda na e radiation bunker te ora un personal autorisa revisa e maleta. Pa finalisa Chung a splica cu lo tin 30 “self check-in machines” pa haci e proceso di biahe uno mas eficiente.
