Juffrouw Aneska: Mester cuminsa e aña escolar nobo cu hopi pasenshi y amor pa e trabao

23

Aneska Tromp ta un kleuterleidster, trahando na Agnes Kleuterschool,  y e tin 18 mucha den klas. Aneska tin basta tempo ta trahando den e profesion bunita aki y segun cu e ta conta nos cu e aña aki, manera tur aña, tin cu cuminsa cu hopi pasenshi y hopi amor pa e trabao.

E tin sigur cu tur cos cu pasenshi y amor den e profesion aki, ta logra hopi cos pasobra kier tur cos bon pa e muchanan.

Kico lo haci diferente

Como e muchanan ta mas den tecnologia, por ehempel riba computer, tablet, etc., e ora ey hunto cu e team, tin cierto actividadnan cu ta bay traha cun’e pa loke ta esey. Ainda no por bisa precies kico e ta, pasobra tin cu papi’e ainda riba dje. Esey ta un di e metanan cu nan tin pa loke ta e aña escolar aki.

Juffrouw Aneska: Mester cuminsa e aña escolar nobo cu hopi pasenshi y amor pa e trabao

Juffrouw Aneska: Mester cuminsa e aña escolar nobo cu hopi pasenshi y amor pa e trabao. Click link pa mas https://24ora.tv/2KMugf7

Posted by 24ora on Thursday, August 15, 2019

Deseo

Deseo di Juffrouw Aneska pa nan tur mes ta hopi pasenshi, perseverancia y hopi amor. Pasobra cu amor ta yega hopi caminda. Cu amor tin e pasenshi, tin e perseverancia y tin cu corda bon, e muchanan ta futuro di Aruba. E docentenan ta pone nan maximo esfuerso pa den futuro trece den e muchanan mas habilidad.

E lema di e aña aki ta “Cada mucha por crea nan mesun futuro”. Ta bon pa scucha nan mas tanto. Scucha mucha, pasobra muchanan ta siña nos hopi. E docentenan ta educador berdad, pero e muchanan mes ta siñanan hopi. Aneska ta desea tur su coleganan, tur mayor y muchanan tur cos bon y e ta sigur cu e aña aki lo ta uno fructifero.