Juffr. Lazo-Tromp: A haci uzo di materialnan personal pa por a duna les den pandemia

Na momento cu scol a cera door di e pandemia, docentenan a experencia e reto. Pius X tin un team hopi jong, digitalmente nan ta fuerte. Den scol mes e docentenan mester a sigui trainingnan y por a haci eseyi danki na e directiva.

E directiva a duna nan cierto material, pero despues a bira parti cu si e mayornan tin e devices p’e muchanan, si tin atencion p’e muchanan, comparti e tempo pa yuda e yiu y haci nan cosnan den dia, falta di internet. Sheila Lazo-Tromp, cabesante di Pius X, a sigui splica cu nan tur a keda cas, pero nan mes mester a haci uzo di nan cosnan. Si algo pasa cu e docente su mesun aparato, e mes lo keda pega.

Docentenan mester a yuda hopi mayor pa subi e caminda digital y tabata un reto hopi grandi. Si esaki ta e caminda cu mester bay, e lo keda un reto grandi. El a sigui bisa cu training ta algo cu nan tin di keda haya, prome cu bay digital.

Juffr. Lazo-Tromp: A haci uzo di materialnan personal pa por a duna les den pandemia

Juffr. Lazo-Tromp: A haci uzo di materialnan personal pa por a duna les den pandemiaClick link pa mas: https://24ora.news/31K4Rvf

Posted by 24ora on Wednesday, August 12, 2020

Pius X ta purba di mantene distancia social, unda cu nan tabatin un protocol basta extenso y severo, cual nan por a mantene na esaki. Na momento cu e crisis team a indica di mester tin distancia social entre e mucha, e tabata un tiki dificil p’e maestro mantene esaki cu e mucha. Asina cu yega scol, prome cos cu e mucha ta haci ta brasa, cuminda y duna nan amor. E muchanan ta aprecia esey y nan tambe kier.

E tabata hopi dificil y como colega, nan ta biba henter dia cu otro door di traha te laat y convivi cu otro. E docentenan di Pius X a purba mantene reunionnan via Google Meet, pero tabata un reto, ya cu mainta mester a para hunto y ricibi e muchanan, mira cu e protocol por a cana pero no imposibel.