Betsabe Martinus di Juancho’s Trading a anuncia un lista di productonan nobo pa comunidad, manera habon di laba tayo, habon di guaba cu ta super bon pa laba paña cu tin holonan fuerte por ehempel dor di deporte of trabou di contruccion, di cual mester un limpiesa mas profundo. Ta uza e producto aki tambe na momento di laba clechi di cama, serbete y demas.
Den nan lista di producto tambe por haya likido blauw cu ta pa uza na momento cu ta trata pañanan mas delicado, paña preto y jeans. Pero tambe tin productonan manera desinfectantenan pa cas como tambe un producto cu yama Saniti cu den e temporada aki ta bon pa desinfecta mesa, stoel of man di porta, cu ta areanan cu ta den contacto cu publico.
Pa brinda comunidad oportunidad di cumpra, Juancho’s Trading ta presente na e feria na Rococo Plaza diasabra awor entre 9:30AM pa 2:30PM y diadomingo for di 9:00AM pa 2:30PM. Ey lo por cera conoci cu e productonan.
Un invitacion ta bay na tur cu tin mester di productonan pa nan cushina, pa negoshi of cu tin yiunan cu ta ta bay scol y ta uza uniform diario y mester un producto pa yuda elimina mancha.
Pa mas informacion por tuma contacto na 586-5520 of 5697512 pa papia cu Betsy of Marisol, cu ta cla pa atende Bo.
