Josephine Martilia-Albertus: Ainda docentenan no a haya reaccion di Minister di Enseñansa

Un siman nobo a habri y tin vakantie y, segun Josephine Martilia-Albertus presidente di Simar a splica, no a haya ningun reaccion di parti di Minister di Enseñansa, mirando tambe cu na momento cu a bay siman pasa cu e manifiesto cu a bisa cu hopi parlamentario no ta na Aruba, ni tampoco Prome Minister, a bisa cu tin cu warda entrante e siman aki, e ora lo haya un contesta. Pero nada no a haya riba papel.

Ki contesta nan kier

Loke kier ta pa e enseñansa haya e oido cu nan tin mester. Nan kier un Aruba cu enseñansa di calidad y manera cu e ta bayendo awor aki, no ta asina. Awo ta un enseñansa cu ta bin impone algo riba docente y kier pa cosnan cambia y no ta bay asina. Mirando e situacionnan, nan ta bin cu hopi cos di afo. Aruba no ta di afo. E scol y enseñansa cu tin di afo, nos no tin. Kiermen hopi biaha e docentenan aki tin cu traha sin e randvoorwaarden, cu en realidad nan mester por haya y no tin. E ora ey no por kere cu ta bay tin un enseñansa di calidad. Bo ta kibra e docentenan, e sindicalista ta splica. Y a agrega cu ta door di e amor cu nan tin pa e profesion, nan ta haci nan best pa toch duna lo maximo posibel. Pero despues di un tempo cu no tin e toolsnan cu tin mester, no por bay dilanti y esey ta jammer, segun Martilia-Albertus.

Josephine Martilia-Albertus: Ainda docentenan no a haya reaccion di Minister di Enseñansa

Josephine Martilia-Albertus: Ainda docentenan no a haya reaccion di Minister di Enseñansa. Click link pa mas https://24ora.tv/2LeCkrD

Posted by 24ora on Wednesday, July 10, 2019

Con lo habri aña

Segun presidente di SIMAR, nan kier habri aña escolar sin ningun cambio. Tin di compronde cu den vakantie, ta bin toch cu cambio. E docentenan no tey den vakantie y ora nan bin bek scol, nan ta haya nan cu un sorpresa. Den vakantie actualmente nan no kier pa bin cu ningun cambio. Laga e cos manera e ta. Y despues di vakantie, si kier bin cu cambio, sinta cu esnan concerni y wak con nan ta mira e situacion y si por bin cu cambio. No bin cu cambio, mirando cu e docentenan no tey. Esey si no por.

Carta

E carta cu a entrega durante e manifestacion ta pa e Minister baha. Esey ta e carta cu a entrega na Parlamento y Gobierno. Segun Martilia-Albertus, durante e manifestacion y den e carta, ta para cu nan kier vocifera e opinion y e preocupacion di e docentenan y miembronan di e sindicato. Bo por kere cu despues di tanto tempo nan ta cansa di e situacion Aunke cu ta pidi pa sinta hunto cu nan, ta keda bin cu ponencianan. Dado momento nan ta vocifera e peticion aki y Simar a sostene nan den esey.

Confiansa den e Minister

Tanten cu e Minister t’ey, nan mester sigui sinta cun’e. Pero ta lage sa cu e manera cu e ta bayendo, no por. Nan ta keda enfatisa cu mester sinta papia cu e docente y personanan cu tin di enseñansa y no bin impone. Esey ta algo cu ta keda haya hopi jammer, segun Martilia-Albertus.

A sinta hunto cu e Minister, pero si mira SPO y TraiMerdia, cosnan a cambia. Pero tin cierto cosnan cu toch a sigui. Mester tin palabracion cu si kier bin cu cambio y innovacion, tin cu sinta cu esnan concerni. Esey ta keda riba dje. Aunke cu tabata tin algun cos positivo a pasa, esey no ta tur cos den enseñansa. Tin hopi cos cu a pasa cu mester mehoransa, segun Martilia-Albertus.