Teniendo cuenta cu distanciamento social, e espacion den Renaissance Convention Center tabatin basta hende, for di maestro te na mayornan y ex alumnonan di Emma School cu a acudi pa scucha of comparti e preocupacionnan existente cu tin pa cu fusering di e scol aki cu Scol Paso Pa Futuro.
Banda di e maestronan di e scol, por a nota presencia tambe di e lider sindical Josephine Albertus, presidente di SIMAR, kende hunto cu Secretario General di SEPPA, Magaly Brito, a compaña nan for di mas cu un aña pasa cu a cuminsa confronta problema of diferencianan di opinion cu e minister encarga, dr. Armando Rudy Lampe, kende no ta dialoga pero ta impone, na opinion di e maestronan.
E tabata un bon anochi organisa, segun Albertus, pasobra e informacion suministra no tabata di e maestronan so, pero tambe di mayornan, ex-alumno y actual alumno. E parti mas importante ta cu e fundeshi y e base cu Emma School ta brinda ta hopi importante. “No por bisa di un dia pa otro ta haci un cambio pasobra logisticamente e ta mas facil. Mester duna tempo y e proceso mester bay na un forma responsabel. Ora cu e innovacion yega, e mester ta pa miho,” esaki, segun Josephine Albertus ta puntonan cu a bini dilanti den e encuentro unda tambe tabata presente prome minister mr. Evelyn Wever Croes.
Pa mas informacion di e anochi aki, subi riba www.trempan.com
