Jorien Wuite (D66): Debate intenso rib’e acuerdo mutuo cu lo firma na maart proximo

Diaranson Koninkrijksrelaties Commisie (Comision di Relacion di Reino) den Tweede Kamer a hiba debate cu Secretario di Estado di Relacion di Reino, drs. Alexandra van Huffelen, cual debate nan a pidi for di aña pasa, tocante e reformanan y tambe e Landspakket di Aruba, Corsou y St. Maarten.

E biaha aki e debate tabata specificamente relaciona cu e ‘caha’ di e tres partnernan di Caribe den Reino Hulandes, Jurien Wuite, miembro di Tweede Kamer, a cuminsa na bisa. El a haci algun pregunta basta skerpi, unda cu e debate ta bin na momento cu e ‘onderlinge regeling’ cu ta bin na luga di e Caribische Ontwikkeling & Hervormings Organisatie (COHO), cual no ta bay door. Y na luga di esey ta bin un acuerdo mutuo ‘Vormvrij’. Esaki ta nifica cu lo tin hopi mas acuerdo entre e Minister Presidentnan y Secretario di Estado, cu e Parlamentonan di tanto di  e paisnan den Caribe como di Tweede Kamer ya no tin un tarea mas den dje y esaki ta haci cu nan tin hopi pregunta riba esaki.

Wuite durante e debate a fungi tanto como presidente di e debate como tambe orador, cual sigur tabata tin su retonan cu ne. Tabata un grupo chikito y e cantidad di orador tabata limita, for di VVD, CDA y GroenLinks. Pero si e debate tabata uno intenso, unda cu hopi pregunta a bin dilanti. Pero sigur for di D66, nan tabata kier a duna Secretario di Estado e confiansa pa continua cu e proceso y completa esaki. E intencion y ambicion di tres minister presidente y Secretario di Estado ta pa firma e acuerdo mutuo na maart proximo.

Pa un relato mas amplio, lesa TREMPAN.