Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “nando” Maduro a continua riba canchanan na Pos Chiquito. Jay’s Tire a baha fuerte riba Celebrities y a probecha anotando 7 careda den promer inning y nunka mas a mira atras.

Boxscore final jay’s Tire 17 careda, 10 hit, 0 error y ta laga 4 coredor na base. Celebrities no riba su mihor anochi 0 careda, 1 hit, 2 error y ta laga 2 coredor den circulacion. Mihor batedornan pa Jay’s Tire ta Egimar Lampe, Sando Geerman, Djurwin Croes, Sandrick Geerman, Jowald de Cuba tur a bay di 2-1, Giancarlo Gomez di 2-2 cu 2 rbi, Jason Orman 1-1 uy Jerwin Peña di 2-2 cu dos careda anota mas 2 rbi. Pa Celebrities e unico imparable a wordo bati pa Jeremy Geerman kende a bay di 1-1.

Jorge Santana Cortina ta seya e victoria riba su nomber lansando solamente 45 lansamento permitiendo 1 solo hit, ta poncho 1 bateador y ta regala 1 base por bola. Ozzi Webb a inicia pa Celebrities  y ta bay cas cu e derota riba su nomber tirando 39 bola, 28 strike pa un total di 67 pitch permitiendo 10 careda, 4 hit y ta regala un total di 7 base por bola. Jeremy Geerman ta drenta releva kende a permiti 7 careda tras di 6 hit mas dos base por bola. Weganan ta continua dialuna awor na Pos Chiquito y diamars otro siman play off AA lo ranca sali. Jega tereno bin apoya Bo equipo preferi!

Comments

comments