Diasabra ultimo den e di 21 Conferencia di Island in Between na Universidad di Aruba
Jonathan Henriquez a presenta su Tesis. Na September ultimo e graduado di OGM, a
defende su Tesis den aula di Universidad di Aruba.
E ta un di e graduadonan cu a ricibi nan diploma den e ceremonia di graduacion dia 13 di September. Den su investigacion final, Henriquez a explora e posibilidadnan di logra desaroyo
sostenibel (sustainable development) na Aruba combinando economia circular, intercambio di mercancia, free zone, y empleo di calidad. Ya cu Aruba, como un ‘Small ping State’, tin varios limitacion y vulnerabilidadnan, e ta rekeri responsabilidad gubernamental y di empresarionan pa logra un desaroyo sostenibel. Den e investigacion aki, a uza e compania di desperdicio DALTRA como case study. Esaki en coneccion cu e pregunta di investigacion: Con economia circular, intercambio di mercancia, free zone, y empleo di calidad ta contribui na e desaroyo econoico sostenible di Aruba?
Contestando e pregunta por medio di literatura, Henriquez a demostra cu e aliniacion apropia di e conceptonan por apoya desaroyo sostenibel por medio di, regulacion, diversificacion, innovacion, intercambio internacional, y inversion den capital humano. A entrevista un total di nuebe interesado local pa duna data cualitativo for di un perspectiva economico micro te cu macro. E informacion haya door di Henriquez ta indica cu e inhabilidad pa formula, implementa, evalua, y controla legislacionan di gobierno ta crea un comformidad inconsistente entre entrepreneurs di Aruba. Consecuentemente, e inhabilidad y inconsistencia aki ta impedi e progreso y resistencia di Aruba debi na un falta di financiamiento, competencia, profesionalismo, y consideracionan etico y moral. Esaki na su turno ta impedi un desaroyo sostenibel y empleo di calidad na Aruba.Henriquez a defende su Tesis dilanti di un comite di graduacion.
E comite a consisti di dr. Luc Alofs, drs. Bauke Feenstra y un miembro externo, drs. Zulema
Dabian-Erasmus. Nan a comenta cu e presentacion di Jonathan tabata claro y consistente. Tambe nan a elogia Jonathan pa e trabao impresionante cu e la haci. Su investigacion tabata uno compleho, pero el a logra colecta informacion relevante y el a duna recomendacion pa maneho den futuro. E comite tambe a expresa nan admiracion pa Jonathan su enorme motivacion y pa su potencial como investigador y – posiblemente den futuro – pa su potencial como un legislado of empresario. E docentenan di e Facultad di Arte y Sciencia ta desea Johnathan hopi exito den futuro, cu a laga sa cu e ta desea di sigui pa su Master.
