Johnny Pacheco a bay descansa

1296

Famia di e Dominicano Johnny Pacheco a informa cu e musico a fayece na New York ayera dia 15 di februari. E ta por lo menos un di e creadornan di Fania All Stars y di un diskera di e mesun nomber cu Jerry Masucci. 

Algun dia pasa a hospitalis’e debi na un infeccion di pulmon.  Cuqui Pacheco, casa di e musico, a skirbi riba Facebook: “Cu gran dolor den mi alma y un bashi den mi curason, mi ta informa boso cu e maestro Johnny Pacheco, a fayece awe tardi. Hopi danki pa tur boso oracionnan y amor cu semper boso a mustra na dje.

Nos ta pidi boso privacidad y oracion.” 
E tabatin 85 aña di edad. For di mucha e tabata gusta musica y den su bida e tabata compositor, areglista y director. E tabata di gran influencia den e genero di salsa. Sigur hopi experencia a bay cu Johnny Pacheco.