John Fun di Hospital: Proceso di mudamento a bay bon y smooth

John Fun ta forma parti di e team di bouw y verhuizing di e proyecto nobo y e ta conta cu en general nan ta hopi satisfecho. E proceso di verhuizing a bay bon y smooth. Esaki a tuma lunanan di preparacion, pasobra riba e dia di verhuizing, no kier haci ningun eror. E pashent su siguridad ta hopi importante. Tur esey a culmina den cada dia cu tabata tin un departamento ta verhuis y ta verhuiz’e y tur cos a bay bon. Tur hende ta riba e cuater pisonan cu tin. Tur tin nan ocupante caba. E di cinco piso, ta bay bin un ICU, pero esey no ta cla ainda. Ora esey ta cla, lo bay verhuis ICU bay eynan.

Cambio
Tabata tin hopi cambio, segun Fun. Pa e trahadonan, e afdeling ta hopi mas grandi. E ta mas espacioso. Esey ta trece reto cun’e tambe, pasobra bo por perde bista riba e pashent. Bo tin cu bay cana distancianan mas grandi. Pero lo bay tin un sistema unda cu lo monitor e pashentnan for di e zusterpost. Esey ta bay duna e control riba e situacion toch.

Un cambio diferente compara cu otro biahanan
For di cuminsamento ora cu e arkitecto a wordo apunta, el a sinta cu tur e usuarionan futuro di e edificionan y nan a papia hopi riba di kico kier, con kier e espacio parti, tur esey. Esey a haci cu e trahadonan ta sinti nan mes doño di e proceso di e edificio nobo, cual a yuda hopi.

Contratiempo
Fun a splica cu en general tur cos a bay bon. Naturalmente, den e tur organisacion tin hende cu ta manera huiverig. Nan tin miedo pa cambio, pero mester bisa cu unabes e hentenan a muda, ta manera un mundo nobo ta habri pa nan. Casualmente ta cana dos siman pasa riba e piso bieu y ta wak’e pashi, e gangnan ta small, e cambernan ta chikito y nan mes tabata bisa cu tin un adelanto hopi grandi.

Retraso
Pa locual ta bouw, ta canando un tiki atras. Pero qua e planning, ta canando na ora. Tin tur hende den e edificio y awor e atencion ta bay wordo enfoca riba e edificio existente pa evacua e partinan cu nan kier bay renoba. Falta un departamento so pa move y djey por entreg’e na e contratista pa cuminsa renoba.

Edificio nobo cu ekipo nobo
Mayoria di e ekiponan ta nobo den e edificio. Naturalmente semper hospital ta sigui inverti den ekipo. Tin ekiponan cu ta den hopi bon condicion. A trece algun di nan for di e edificio bieu. Pero tin hopi ekipo nobo tambe.