Jim Hepple: Aruba ta bayendo hopi bon na Europa y ta spera cu lo continua

197

AHATA ta hopi contento cu e cantidad di touroperator, partnernan di biahe cu tin di Europa, durante di convencion Aruba Meets Europe, segun CEO di e instancia, Jim Hepple.

Crecemento den mercado Europeo ta importante

Crecemento den mercado Europeo ta importante

Posted by 24ora on Tuesday, April 17, 2018

Tin por lo menos 50 persona e siman aki y solamente ta tene e convencion aki casa dos aña. Hepple a sigui menciona cu e CEO di ATA cu pa e prome tres lunanan di aña, por a mira un crecemento den e mercado Europeo, mustrando bon aumento. Aruba ta bayendo hopi bon na Europa y ta spera cu esaki lo continua, segun Hepple.

E mercado Europeo

E mercado Europeo ta keda un mercado importante. Segun Hepple e mercado Europeo ta 8% di e yegadanan, pero significativo den e parti di hospedahe, mirando cu e bishitante Europeo ta keda por lo menos 50% mas hopi compara cu e bishitante di tanto Noord of Zuid America. E comerci Europeo a lanta hopi. AHATA ta hopi contento cu esaki.

Otro cos cu ta encurashador ta cu por mira hopi mas negoshi di mercadonan nobo na Europa. Esey tambe ta un situacion alentador.

E cantidad di touroperator Europeo a aumenta durante pasonan di aña. Esey ta sigur un bon señal di e interes pa Aruba na Europa, Hepple a comenta.