Jerry Staring contento di ta bek como director di DVG

Despues di un sentencia dialuna, 20 di Mei, hues a dicta cu Jerry Staring mester cuminsa per direct como director di DVG.

ADV

Diamars, 21 di Mei, el a cuminsa bek. Staring ta conta cu dialuna mes el a haya sentencia di hues, cu ta bisa cu e tin cu cuminsa bek den su funcion como director di DVG inmediatamente.

 

Director Jerry Staring a yega trabou bek na DVG Diamars mainta

Posted by 24ora on Tuesday, May 21, 2019

 

Dialuna mes el a presenta na pia di trabao pa ricibi su overdracht, pero e management team no tabata tey completo pa asina dun’e su overdracht.

E ora el a presenta diamars mainta prome biaha pa e wak con ta bay sigui. E tin cu haya overdracht kico a pasa den e aña cu a pasa, unda ta para y ki proyectonan ta andando y con ta bay sigui.

Trankil

Tabata un lucha legal basta largo. Staring a menciona cu hopi energia a bay eynan, pero e ta trankil. Awo tin cu wak p’adilanti y sigui como DVG y haci lo miho di dje.

Toch tin un grupo di persona cu a protesta e tempo ey cu a protesta pa e fungi su funcion. Staring ta splica cu ora cu el a bandona trabao aña pasa, tabata tin un formatieplan pa 180 hende. Tabata tin 170 persona trahando. E mes no sa actualmente cuanto hende ta trahando actualmente, y si a haci un cambio den e plan di formacion.

E ta conta cu si tin un grupo grandi di trahado, manera 170-180 hende y tin un grupo di 20 hende mas of menos ta rabia, e por pasa. E ta kere cu tin un tiki problemanan personal cu ta envolvi den esaki.

Staring ta dispuesto pa papia cu tur hende. Realmente e mester wak con DVG ta para awor aki. E tin un aña cu e ta for di su funcion. Tabata un aña hopi duro. Awor aki tin cu wak unda nan ta para y con ta bay sigui dilanti cu tur e trahadonan.

 

Tildamento

Tin cierto cosnan cu a tilda Staring di un ke otro cos. Hues a duna espacio na mas cu un ocasion pa e por bin cu pruebanan y pesey a tene afo di su posicion. Staring a menciona cu hues a bari tur cos for di mesa na varios ocasion y a duna espacio pa bin cu mas cos concreto. Esey no a pasa. Pesey e resultado di dialuna cu el a wordo restitui den su posicion di inmediato.

Coleganan

Staring ta bay sinta cu su coleganan despues. Su plan ta pa sinta cu e management team pa e haya su overdracht y wak ki cambionan a wordo haci den e aña, cua proyectonan ta andando, traha un plan con pa sigui dilanti y sinta cu tur e personal di DVG tambe.

 

Kico ta bay pasa cu e management team

E management team a bin pasobra Staring a wordo poni ter beschikking den un otro funcion y e ora ey no tabata tin director. Na momento cu el a wordo restitui como director, no tin un management team tampoco. Den e sentencia di hues tabata duidelijk cu e mester a bay bek como director pa e haci su trabao. Esey ta nifica responsabilidad completo di e organisacion.

Comments

comments