30 di Augustus 2019 Aruba, Boneiro, Corsou y mundo henter lo conoce e prome single di Jeon su Album nobo “BIGGY BOY FOREVER”. E single aki ta un colaboracion cu e artista Boneriano Ir-sais Lafu y ta titula “Pa Semper”.
Un Album cu sigur lo hasi un furor tresiendo bek e estilo di canticanan romantico en conexion cu e era di “Biggy Boy”. E Album aki ta un proyecto grandi di cancionan cu lo resona “Amor”. Despues di un tempo largo cu un demanda asina grandi pa Jeon toca su cancionnan den estilo di tempo cu e tabatin su hitnan di Biggy Boy, Jeon a tuma e iniciativa pa traha e Album “Biggy Boy Forever” caminda lo bira un compilacion special conhuntamente cu Artistanan for di Islanan ABC. 
Jeon a traha e Album “Biggy Boy Forever” cu hopi dedicacion y cu e proposito pa dedica e album na tur su Fansnan Romantico cu semper a apoya y goza di su musica. E cancionnan pronto lo wordo lansa y nan lo ta disponibel riba tur plataforma di medionan musical pa asina un y tur por disfruta di dje. Probechando tambe pa promove nos Papiamento na tur e siguidornan internacional. Islanan ABC ta den gran expectativa tambe pa locual cu lo bai bira e concierto “Biggy Boy Forever” cu tanto tur e fanaticonan ta wardando riba dje, den e concierto aki Jeon a priminti di trese un combinacion di cancionnan bieu y nobo.
